舊年班Fund佬「忽然」發現雷曼就嚟唔掂, 幾日內由唔知幾多個A++變成負面評級; 今年班Fund佬又「忽然」發現杜拜唔掂。你信唔信嗰班才高八斗、機關算盡, 日日開公數飲香檳食魚子醬「social」嘅Fund佬真係咁後知後覺? 我就唔信喇。

 

好彩我冇興趣賭, 所以呢幾年冇賺亦冇蝕, 只係我啲港紙saving拍住美金不斷貶值。看倌可能話: 「嘩! 我買匯豐收息咋喎! 咁都算賭?」, 兄台, 0005.HK嗰間係叫匯豐「控股」, 就並不是街頭街尾見到嗰間匯豐「銀行」, 咁匯豐「控股」以往年年派四厘幾息, 嗰四厘幾息啲錢點嚟你又知唔知? 靠嗰間匯豐「銀行」同你做按揭賺番嚟? 咁你都唔知嗰間匯豐「控股」其實係做咩生意, 你買佢股票, 唔係賭又係咩呢?

 

個市會點, 我又唔識經濟學嗰啲principles (經濟學又會有principle嘅? 唔係話「兩點之間最短距離係直線」、「三角形內角和等於180度」先叫principle架咩? 我果然並不認識經濟學), 又冇水晶球, 我點Ｑ知, 我純綷喺我個冇人睇嘅blog吹吹水嗟。不過我知一樣嘢, 個市升, 啲Fund佬有花紅; 個市跌, 啲Fund佬起碼都有手續費收下。咁花紅梗係多過手續費啦, 所以個市, 應該會收十一個月花紅, 然後收一個月手續費。純屬虛構, 如有雷同, 實屬巧合。

 

至於標題, 乃吾之已故生物科老師周某, 有日授課期間吹水說道: 「我呢啲有良心嘅人, 係唔會發達嘅」。

今天是柏林圍牆被推翻的二十週年紀念。實在佩服德國人的勇氣, 義無反顧地把柏林圍牆砸個稀巴爛, 義無反顧地西柏林人由衷地擁抱從東柏林跑過來的同胞, 雖然往後好一段日子前東德的貧困經濟成為了前西德的負擔。

 

想起了Billy Joel那一年出版的《Storm Front》大碟裡的《Leningrad》, 裡面好一句的 "To meet him eye to eye and face to face. He made my daughter laugh, then we embraced", 大概是經歷過那個風起雲湧年代的人的心聲吧。慶幸當年我已經是個初中生, 慶幸我親眼目睹東歐共產陣形一下子全被瓦解這個歷史巨變。